هذه عدة مسجات مني لكم>>انشاء الله تعجبكم

السلام عليكم

هاذي عدة مسجات مني لكم لك وانشاء الله تعجبكم.. ارجو التثبيت~
يلا نبدأ

سألك بالله وش سويت فيني
وش سرهالشوق اللي يجيني
‏
قلبي طول وقته معك
مايبيني
أسألك باللي عطاك
هالعيون
‏
أسألك بالله يالقلب الحنون
كانك تعرف سرها الشوق
إنك تقول وش يكون؟
هوغرام
أوإحترام
أومرحلةحب
أوجنون

~~~~~~~~~~~~~~~~~

أناماأبي من الدنياسوى لحضة لقى وحده-
أبي أطيح من طولي على صدرك وتحضني!!
تعبت أشدبك حبل الشوق وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري وصل حده..
"أهيم بعالمك طفل أمانه لاتخليني؟؟!

يا ليتني داري واعرف الغيب
باحساس نفسك ويش خافيها
كلمة احبك قلتها بالطيب
لا قلتها بالطيب وش فيها

"أحبك"

~~~~~~~~~~~~~~~~~~~~

تعلمت ان العطا لوزاد عن حده خطا
تعلمت ان الجميل مايملا كفوف البخيل
تعلمت ان العيون اذاعشقت تصير ستروغطا
وان أصدق دروب المحبه ماتبغى دليل
بس إنت
<<أغلامن مشى على الأرض ووطا>>
وصدقني
"غلاك مومحتاج لدليل

~~~~~~~~~~~~~~~~~~~

خل السوالف أنا مشتاق لعيونك.
عجل وشف لك طريقه نلتقي فيها.
لاتخلي الشوق يذبح حال مجنونك.
لاجتك فرصه طلبتك لاتعديها إترك هلابك وكيف الحال وشلونك.
جلسه معك تسوى الدنياومافيها..

~~~~~~~~~~~~~~~~~~~~~~

ِانا وشلون أبتغلى وكل اللي معي يفداك
وأنا وشلون أناديلك ومثل الروح تسكني
وصفتك للخيال .. وفز من طوله يبي لقياك
وترى عن وصف باهر وصوفك عجز فني
حبيبي وين أدورلك شبيه بس في طرياك
وأنا ياوين ألقى لك كلام بك يجملني
أبسكت دام كل اللي بقوله فز وجاك
تصور هالكلام اشلون من حبك هرب مني
رحمت البدر بوجودك
حشا ماهوب متهني
تصدق ... لودرى هالنحل عن طعمك وعن ملفاك
ترك كل الزهور وجاك وخوفي انه (يشاركني)
تعال ... أبجمع الحسبه
وبحلف بالذي سواك
إذا موتي على يدينك أنا طالبك تمهلني ..

~~~~~~~~~~~~~~~~~

ودي أحطب لك ضلوعي وادفيك
وألحفك بالرمش لاصرت بردان
اسكنك في عيوني ان كان يرضيك
وتصير عيني لك وطن مثل الأوطان
واضمك لصدري ¤غلا¤ لين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان
ياحبيبي انت الوفا والوفا فيك
يرسم ملامح ضحكتك وانت عتبان
لاتستحي واحضن يدي داخل يديك
ثم شدني وارضيك ان كنت زعلان
ابي افتخر فيك واتبختر وأناديك
وأقول
هلا بحبيبي اللي سكن بين الأوجان
ياحياتي والله لأعطيك واعطيك
عمري وعشقي فدوتك
ياأعذب انسان
انت الهوى والقلب بالحيل يغليك
انت حبي اللي رويته بدمع الأجفان
وانت حبك أشوفه يملي علي
كل هالكون وحتى لوفيه غيره أكوان
(أحبك موووووت)

~~~~~~~~~~~~~~~~~~~

كبيره لهفة العاشق /يتيمة صرخة المعشوق
رحيمة كلمة منك /تخفف يالغلا نوحي
عطيتك عشق من قلبي/كريمه والليالي شحوح
سهرت الليل بغيابك /سهرته كله بروحي
أحبك يابعد عمري /وحبك في حشاي جروح
أحبك لو علي تقسى /حبيبي والله مسموحي
حزينه في رجا نجمة/سناها ليه مايلوحي
تمنيت القدر مرة /يغير ما أنكتب باللوح
عرفت إن القدر حكمة/وربي يسمع لبوحي.

~~~~~~~~~~~~~~~~~~~~~~~~

ماحلا كلمة هلا اللي من لسانك
تعطي الروح العليله معنويه
ليتني حنى تخضب به بنانك
أو روايح عطر في خدك زكيه
أو قلم تستخدمه في امتحانك
وأنت تدرس في الصفوف الجامعيه
آه ليته يجتمع شاني وشانك
كان أعيش العمر في دنيا هنيه

~~~~~~~~~~~~~~~~~

غمضت عيوني
وكنت من التعب ميت
ساعتها تذكرتك
تمنيتك
تخيلتك
بداخلي...ورده من الحب تشتاق تناديني تعال بأعطيك حبي من
الاعماق...وقتها
نسيت نفسي
نسيت ارتاح
نسيت اني من التعب ميت
ولقيت الرووووح لك ولهااااانه..

~~~~~~~~~~~~~~~~~~~~

أبيك تعرف إنه لايمكن إحساس قلبي يخليك
لوالشعوربداخل القلب مات..
العمريمضي،،،
ونصه يناديك،،،
والنص الآخر..يمسح بدموع الآهات..
-مستحيـــــــــــــــل-
اتخلى عنك وأقول ناسيك...
(..أنا..)لأخريوم في عمري بأكون وياك...

~~~~~~~~~~~~~~~~~~~~~~~~~

تعبت اكذب احساسي وَ اقول انه يبي يرجع.. وجع احساسي بـ الكذبه وَ لكن الغياب أوجع

@ لــو ضــاعت مفــاتيح الوفــا ...
مــاضــاع مفـتـاح حبـي لـك دامـ انا حــي @

=========================

إنت بعيد... وأنا بعيد...
تدري وش الجديد

حبك بقلبي يزيد....

==========================

حاليا استمتع بأحلى الرسالات
وبنهاية الشهر إفتح جيبك
لشركة الإتصالات

==========================

الله يسعدك

وعن النار يبعدك

وللخير يرشدك

وبالجنة يوعدني ويوعدك..!

==========================

يا ناشد عني تراني للوفا ما نسيت
وان غبت عن عيني تراك في القلب
ما تغيب

==========================

مساء الخير يا أجمل
مساءات البشر والقوم....
مساء معطر بالمسك والعنبر يجليها...

===========================

كثير الناس من حولي
لكنهم علي أغراب
وكل أحبابي لو جوني
أظل لشوفتك أشتاق

==========================

ظروف الوقت تبعدنا
وخلتنا غصب نجفاك
ولكن الغلا باقي
ولو طال الزمن نهواك.

==========================

أنا

وعبير الورد..

ونسمة البرد....

نقول

مساء الورد يا ورد.......

===========================

هلا باللي أحبه حيل
وحبه يرفض الكتمان
هلا والشوق في صدري
أحسه يشبه اليركان...

===========================

ما قيسك بالذهب لكن
أقيس الذهب فيك يلي
يغار الذهب لو سمع طاريك

===========================

لو الكون كله غدر فيك
لك درب بحياتي تعرفه

...((قلب))... يضمك ويغليك

===========================

جمعت الشعر واحرقته
تبين مع الدخان حروف
إسمي تضم إسمك وتبكي
لا تفارقنا

===========================

أ
أحبك زود

ب
بوسة شوق

ت
تحية وذوق

ث
ثنايا الروح

ج
جمال الكون

ح
حبيبي دوم

=========================

ان كنت من ذهب فهذا
ليس من عجب. وان كنت
من ماس فهذا قدرك يا أعز
الناس

=========================

مساء الخير
ياهل الزين كله
مساء الورد
بزهاره وفله
مساء لشوفكم يفز الكون
كله

=========================

هلا بك كل ما تقبل علي
وخاطري مكسور تداوي
كل هفوات الزمان وتجبر
كسوره

=========================

يارب.. اللي يفتح رسالتي
عزيز وغالي.. فافتح عليه
ووفقه ويسر أموره.. إلهي

=========================

هذا وجهي في عيوني
ما رسمته لا وربي واللي
يصرخ في ضلوعي هذا
صوتك ما هو قلبي

=========================

لو بغيت
أكتب لك
شعور القلب
واحساسه
حروف الكون
ما تكفي
يا عطر الورد وانفاسه

========================

صوتك حيل واحشنا
غيابك حيل جننا
امانه لو كان لك
قلب لا تقاطعنا...... ــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــتتتتت

=======================

يسعد مساء طيب الروح
وبلسم الجروح
يسعد مساء جميل الإحساس
وأحلى الناس

=======================

الغربه ما هي سفر لبعيد..
أو هم يوم جديد..
الغربة لما أعز الناس
عنك يغيب...

=======================

هذي رسله خلها اليوم

("تذكار")

فيها الغلا والحب
مني هديه

=======================

إن غبت بالوجدان شوقي
يناديك.. وإن راسلتني
كل المشاعر تهلي بك ...

=======================

يشهد الله معزتك داخل
القلب محفوره.. آه يا
ريت جوالي ينقل الصوت
والصوره

=======================

كلما زادت مشاعري
إستعصت علي حروفي
عاندتني كلماتي
وخاصمتني وسائل التعبير

=======================

لا يكون على بالك إني
أموت فيك

لا يا بابا إصحى

آنا

أموت على شانك ..

=======================

جرب
مره
حناني
تعرف الحب وجناني
ما تفكر
تدور
ثاني
ولا عمرك لحظة تنساني

=======================

قلبي لكم هاوي

وبحبكم خفاق ..

مثل القمر ضاوي

ويرسل لكم الأشواق..

=======================

أ
ح
ب
ك

أ : أتنفس هواك
ح: حلفت منساك
ب: بدا يكبر غلاك
ك: كل شي ولا فرقاك

أحبك

=======================

أحلى صباح يوم أشوف وجهك بوجهي يبتسم
ونظرة الحب بعينك أشوفها لي ترتسم

========================

المكونات:كأس حنان+ ملعقة ود +
كيلو إحساس + شوية شوق =
كبسة حب للأبد

========================

م
س
ا
ء

يا هوى
الروح
يفتح
النفس

ع
س
ا
ك

يا نظر
عيني
دوم
في راحه..

========================

عمر الأماني ما شكت لوعة الياس....
دام القلوب اللي أبيها تبيني

( هذا حضي من على الدنيا وعيت ** كل ماضوي شمعه في دربي انطفت ** مع جميع الناس ياربي وفيت ** ليه بس آلي معي الدمعة وفت ))

ياصاحبي ياكثرهم من تخلوا
اجي ادورهم وهم مايجوني!
ان جيت اسلم "رحبوبي وهلوا
وان غبت عنهم وقت ،مايفقدوني
ماادري كثير اشغالهم او تغلوا
اخاف اعاتبهم وهم مايبوني؟؟

يلا عاد وروني شطارتكم بالردود

تحياتي

أناماأبي من الدنياسوى لحضة لقى وحده-
أبي أطيح من طولي على صدرك وتحضني!!
تعبت أشدبك حبل الشوق وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري وصل حده..
"أهيم بعالمك طفل أمانه لاتخليني؟؟!

رووووووووووعه المسجات

ثانكس خيتووووو ع المسجات الغاااوية ~ْ

انتي الاروع يا قلبي
ومشكورة على الرد الجميل